MEN KIPŞAKPAN.

 

 

Venera Lukmanova

MEN KIPŞAKPAN.

Men kıpşakpan-keng kırlarda bos ürğen,
Kökirekke alıp üvsan iyisin,
Şöl yeli men şabıska da ûyrenğen,
At ûstinde yelpildetip kiyimin.

Men kıpşakpan-kûşti halktan ayamas,
Tek birlikte kûreskenmiz yaşavda,
Kıyınlıktıng aldında da toktamas,
Korkınışı bolmağan sol insanda.

Men kıpşakpan-şırmavıktay oralğan-
Öz yerime bitken bek tar baylanıp.
Men kıpşakpan-bolat köngil yaratkan,
Bu şölime ol kuyılğan kaynatıp…